வியாழன், 16 பிப்ரவரி, 2012

என்ன ஜென்மம் நான் ?

இடம் பொருள் ஏவல் தெரியாமல் இன்று கொஞ்சமாய் அசிங்கப்பட்டேன், காரணம் சாரு !  தலைப்புகளும் சரி, கதாபாத்திரங்களின் பெயரும் சரி, அதை வைப்பதில்தான் நம்ம தல கில்லியாச்சே !  சம்பவம் நடந்த இடம் ஒரு பிரபல மருத்தவமனை வரவேற்பறை (நண்பர் ஒருவர் அலுவல் விஷயமாக போனார், அவருக்கு கம்பனி கொடுத்தேன்) காத்திருந்த வேளையில், சாரு நிவேதிதாவின் புத்தகமொன்றை வாசித்துக்கொண்டிருந்தேன் !  அவ்வப்போது உள்ளே போயிருந்த நண்பர் வந்துவிட்டாரா என்று தலை நிமிர்த்தி பார்த்தேன் !  ஒவ்வொரு முறையும் யாரவது ஓரிருவர் என்னையும் என் கையிலிருந்த புத்தகத்தையும் விரோதமாக பார்த்ததைப் போல் தெரிந்தது !   'அடடா சாருவிற்கு எதிரிகள் இல்லாத இடமே கிடையாது போல'  என்று மனதில் நினைத்துக் கொண்டே ஆனால் தொடர்ந்து படித்தேன் !  அரைமணி நேரம் கழித்து வந்த நண்பர் "ஏன்டா இப்படி ஏன் மானத்த வாங்குற ?" என்றான் தலையில் அடித்துக்கொண்டே ! 
"என்ன ?"  
"என்னடா புக் இது ? "
"நீயே பாரேன்" 
"என்னத்த பாக்குறது இது என்ன
ஆஸ்பிடல்ன்னு தெரியுமா ?  புள்ளபாக்கியம்  இல்லாதவங்களுக்கு ட்ரீட்மென்ட் கொடுக்கிற ஆஸ்பிடல்" என்று மெல்ல காதில் கிசுகிசுத்தான்  !  அப்போதுதான் உறைத்தது நான் படித்துக் கொண்டிருந்தது 'எனக்கு குழந்தைகளை பிடிக்காது'