அமாவாசை மட்டும்தானா இல்லையே !!!

இதை சாரு வட்டத்தில் பதிவிடுவதற்க்காக  எழுதினேன்.   சரியாய் அந்த
நேரம் பார்த்து, சாருவின் மிக விரக்தியான ஒரு பதிவு வந்தது.  வெந்த புண்ணில் வெந்நீரை ஊற்றுவானேன் என முதலில் பதிந்துவிட்டு, பிறகு நீக்கிவிட்டேன்.


‘அங்காடித் தெரு’ பட விமர்சனத்துக்கு, சாரு சூட்டிய அற்புதத் தலைப்பு ‘அள்ளிப் பூசிய அமாவாசை இரவு’ 

இதன் அர்த்தம், படத்தில் வரும் தொடர் சோகம்.  மேலும்,
படத்தில் எங்கே நம்பிக்கை கீற்று ? என்று சாரு கேட்டிருப்பார் !
எனக்கு அது நிறைய ஆச்சர்யத்தைக் கொடுத்தது. ஏனெனில் படம் நெடுகவே கீற்றும், கருமையும் தொடர்ந்து பகலும், இரவும் போல வந்து கொண்டேதானிருக்கும்.

உதாரணத்திற்கு :-


அப்பா இறந்த சோகம் ஒரு புறமிருக்க, வேலைக்கு செலக்ட் ஆகும் நாயகன், 'பெரிய கடை, அதனால் ஏக வசதியிருக்கும்' என நம்பி வருவான் = கீற்று

ஆனால், அடாவடிகளும், மிகக் கடுமையான சட்டதிட்டங்களும், வசதிகள் குறைந்த கடை அமைப்பும், பார்த்து ஏமாறுவான் = அமாவாசை


அதே கடையில் துடுக்கு நாயகியின் காதல் அவனுக்கு ஆறுதலாகக் கிட்டுகிறது = கீற்று


கொடுமைக்கார புறநகர் வீட்டில் வேலை செய்யும், ’ருது’வான தங்கைக்கு, என்ன சடங்குமுறைகள் செய்வது எனத் தெரியாமல் கையாலாகாத அக்கா அழுகிறாள் = அமாவாசை

அம்மன் கோயிலில் தீட்டு பார்க்க மாட்டார்கள் என அந்தப் பெண்ணிற்கு உரிய சடங்கு நடத்தப்படுகிறது = கீற்று

நாயகி பாலியல் சீண்டல்களுக்கு ஆளாகிறாள் = அமாவாசை

சீண்டியவனைத் துவைத்து எடுத்து நாயகியை ஆறுதல் படுத்துகிறான் காதலன் = கீற்று

காதல் கிறக்கத்தில் மூடப்பட்ட கடைக்குள் சிக்கிக் கொள்கிறார்கள் காதலர்கள் = அமாவாசை

எல்லா நவநாகரீக உடைகளையும் போட்டுப் பார்த்து ஒரு இன்ஸ்டன்ட் சொர்கத்தை தரிசிக்கிறார்கள் = கீற்று


இந்த சிக்கலில் இருந்து விடிந்ததும் எளிதாய் விடுபடுவது போல வாய்ப்பு கிட்டியும், சிசி கேமராவால் வேலை பறி போகிறது, திருட்டு பட்டம் கட்டி, காவல்நிலையம் போகிறான் நாயகன் = கீற்று & அமாவாசை

படிப்பறிவு கொடுத்த துணிவில், தவறுகளை தைரியமாக பேசுவதால் உடனடியாக கிட்டிவிடும் விடுதலை = கீற்று

நடுநிசி ஆட்டோ ட்ரைவர்களும், பிளாட்பார விபத்தும் = அமாவாசை

அருகருகே படுத்திருந்தாலும் ஒருத்தருக்கு மட்டும் கால்கள் போகிறது, இன்னொருவர் அவருக்கு கடைசி வரை துணையாக வருகிறார் = கீற்று

இதென்னடா வாழ்க்கை ? ஒரு குறுகிய காலகட்டத்தில் இவ்வளவு அமாவாசை பவுர்ணமியா......என வியப்பவர்களே, இவையெல்லாம் மாதத்திற்கு ஒரு முறை வருவதுதான் !

ஏழ்மைப் பிடியில் இருக்கும் 'நடுத்தர வர்க்கம்' வாழ்க்கையே......... 'ஜான் ஏறினால் முழம் சறுக்கும்' எனும் சித்தாந்தத்தில் செல்லக்கூடியது. அது அவர்களின் அறியாமையில் ஏற்படும் இயல்பான தவறுகளாலும் கூட இருக்கலாம்.


பேரளவு இருளும், சிற்றளவே வெளிச்சக் கீற்றும் அனுபவிக்கும் நிறைய கேரக்டர்களை சந்தித்துக் கொண்டே இருப்பதால் வசந்தபாலன் மேல்  நிறைய நம்பிக்கை உள்ளது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

கடலோடி - நரசய்யா !!!

படம்
’கடலோடி’ வயதுக்கு வந்திருந்த வேளையில்தான் ’நரசய்யா’வை நான் ஜூ.வி. கட்டுரைகள் வாயிலாக முதன் முதலாக வாசிக்க நேர்ந்தது. அந்தக் கட்டுரைகளில் அவர், தான் வேலை செய்த பிரம்மாண்ட கப்பல்கள், கடலில் குட்டித் தீவுகளென அலையும் திமிங்கலங்கள், நெடிந்துயர்ந்த நீர்த்தூணாய் வானும் கடலும் கொள்ளும் கலவி.........இப்படி அவர் விவரிக்க விவரிக்க அப்படியே அந்தச் சாகஸங்களை கற்பனை செய்து, திளைத்துக் கிடந்திருக்கிறேன். பிறகு பல வருடங்கள் எனக்கும், ஜூவிக்குமான பிணைப்பு அறுபட, நரசய்யாவை அடியோடு மறந்தும் போயிருந்தேன்.   விகடன் கட்டுரைத் தொடரில், " நீங்கள் எழுத்தாளர்களென நம்புபவர்களெல்லோரையும் விட சிறந்தவர்கள் இவர்களென சாரு நிவேதிதா பட்டியலிட்டிருந்த எழுத்தாளர்களில்தான் மீண்டும் ’நரசய்யா’ என் கண்ணில் பட்டார். அதில் நரசய்யாவின் சிறந்த ஆக்கம் ’கடலோடி’ என்றும் சாரு பரிந்துரைத்திருந்தார்.   ஆனால் 2011 லிருந்து தேடி, இவ்வருடம்தான் புத்தக கண்காட்சியில் இந்த நூல் கிட்டியது. வாங்கி வழக்கம்போல் நரசய்யாவை புத்தகப் பைக்குள் சிறைவைத்து, ஜிப்பை இழுத்து மூடிவிட்டேன்.   தெரியாத்தனமாய் அலமாரியில் நெடுந
மேலும் படிக்கவும்

மெக்சிகோ சலவைக்காரி ஜோக்

படம்
சுஜாதா, தான் உயிருடன் இருக்கும்வரை எல்லா நாவல்களிலும், கட்டுரைகளிலும் சொல்கிறேன், சொல்கிறேன்....என்று கடைசிவரையில்  பொதுவில் சொல்லாமல், விட்ட  அசைவ ஜோக்தான்  இந்த மெக்சிகோ சலவைக்காரி ஜோக் !   சரி இது எப்படி எனக்குத் தெரியும் என்றால், சுஜாதா மறைந்த பின், குமுதம் அரசு பதில்களில் (2008 / 2009 பதிப்புகள்) ஒரு வாசகரின் வேண்டுகோளுக்கிணங்கி வெளியானது.  என்னுடைய ஞாபகசக்தி உதவியில்தான் எழுதுகிறேன், ஆனால் இதை என் மானசீக ஆசான் சுஜாதா சொல்லியிருந்தால் இதை விட 100 மடங்கு அழகாய் இருந்திருக்கும், அடுத்த வாரம் சுஜாதாவின் நினைவு நாள், அதற்க்கு அஞ்சலியாய் இது அமையட்டும்  ! மெக்சிகோவில் ஓர் ஆற்றங்கரையோரம் இருந்த அந்த சலவைக்காரி மிக  அழகு,  அதிலும், எது மிக பிரமிப்பூட்டும் என்றால் அது அவளுடைய பின்னழகு !  அதற்க்கு மயங்காத ஆட்களே அந்த பகுதியில் இல்லை, அவளுடன் அருகே வசிக்கும் இளங்காளைகள் பலருக்கும் அவள் மீதும், முக்கியமாய் அவளின் 'அதன்' மீதும் உள்ளூர வெறி !  அனுபவிக்க வாய்ப்பு கிடைக்குமா என இலவு காத்த கிளியாய் காத்துக் கிடந்தனர் !  இங்குதான் அந்தக் கொடுமையைச் சொல்ல வேண்டும், அவள் வளர்த்து வந்த
மேலும் படிக்கவும்

கெட்ட வார்த்தை பேசுவோம் !!!

படம்
கெட்ட வார்த்தை பேசுவோம் - பெருமாள்முருகன் ******************************************************************** ஒரு வருடமாய் அலமாரியில் தூசி படிந்து , புது புத்தகத்திற்குரிய வாசனையை கிட்டத்தட்ட இழந்திருந்த இந் நூலை , சமீபத்தில் சென்றிருந்த பிஸினெஸ் டூரில் , ரயில் பயணவேளைகளின் போது வாசித்தேன் . வாசிக்க ஆரம்பித்தவுடன் அசூயையின் காரணமாக முகம் சுளித்து அவதிப்பட்டேன் . அல்குல் , கொங்கை , சிதி , சுண்ணி என தொடர்ந்து பத்திக்கு பத்தி கவுச்சி .  அய்யய்யோ , இந்தப் புத்தகத்தைப் போய் திறந்தவெளியில் வைத்திருந்தோமே , வீட்டுப் பெண்மணிகள் எதேச்சையாய் வாசித்து நம்மைப் பற்றி என்ன நினைத்திருப்பார்களோ என்ற கிலி வேறு பற்றியது. பெருமாள்முருகனே ஆரம்பத்தில் , சொந்தப் பெயரை மறைத்து , புனைப் பெயரில்தான் இதைத் தொடராக எழுதினாராம் ! ஆனால் , இந்த நூலை முழுதாய் வாசித்ததும் , செக்ஸ் & ஆண் பெண் பாலியல் உறுப்புகள் பற்றி பேசும் போதோ , எழுதும் போதோ , வாசிக்கும் போதோ , நாம் போடும் போலி வேஷங்களையும் , நம் பண்டைய இலக்கியவாதிகளின் சுதந்திரத்தையும் ஒப்பிட்டபோது , இயல்பை , அவசியமான ஒன்றை , இப்படி மூடிப் பேசி மூடிப் ப
மேலும் படிக்கவும்