நூறு விழுக்காடு வாக்குப்பதிவாகுமா ?

100 விழுக்காடு வாக்குபதிவு எனில் நீங்கள் மகிழ்ச்சிதானே அடைவீர்கள் ?  ஆனால் அப்படி ஒரு முழுப்பதிவு நடந்ததென அறிந்தால், அடுத்த நிமிடமே அத் தேர்தலை, தேர்தல் ஆணையம் ரத்து செய்து விடும், ஏன் ?
ஏனெனில் 100 விழுக்காடு வாக்குப்பதிவு சாத்தியமேயில்லை.
ஒரு தொகுதி, அது சிறியதாயிருக்கட்டும், பெரியதாயிருக்கட்டும், ராணுவப்பணியாளர்கள், காவல் துறையினர், தீயணைப்பு வீரர்கள், மருத்துவத் துறையினர், ரயில்வே, சாலைப் போக்குவரத்து, இன்ன பிற அத்தியாவசியப் பணியிலிருப்பவர்கள் வாக்களிக்க முடியாது. தபால் வாக்குகள் எல்லோருக்குமே சாத்தியமா என்பதில் சந்தேகமுள்ளது.  இவர்கள் சில விழுக்காடு........
என் பக்கத்து வீட்டில் ஒரு முதிய தம்பதி. அவர்களுக்கு தங்கள் வாக்குகளைச் செலுத்த அளப்பரிய ஆசை.  ஆனால் வாக்குச்சாவடி சென்று  வரிசையில் நின்று வாக்களிக்கும் அளவிற்கு அவர்களிருவருக்கும் கால்களில் சிறிது கூடச் சக்தியில்லை.
சரி வாருங்கள் என் வண்டியில் போய் வரலாம் என அழைத்தேன்.  ம்ஹூம், வண்டியில் ஏறி இறங்குமளவு கூட முழங்கால்கள் ஒத்துழைக்காது என மறுத்துவிட்டனர்.  வீட்டருகேயே எல்லாமும் கிடைத்துவிடுவதால் எங்கும்  நெடுந்தொலைவு செல்வதேயில்லை, ஏன் சொந்தக்காரர்களின் சுப காரியங்களுக்குக் கூட அவர்களால் போக முடிவதில்லை.  ஆக, இதுபோன்ற முதியவர்கள், நோயாளிகள், அந் நோயாளிகளைக் கவனிப்பவர்கள் எனச் சில விழுக்காடு........

 நம்மூர்களில் இறந்தவர்கள் பெயர்களை உடனையாக வாக்காளர் பட்டியலில் இருந்து நீக்கிவிட முடியாது.  இந்த அழகில், பல்லாண்டுகளுக்கு முன்னர் இறந்தவர்கள் பெயர்கள் கூட வாக்காளர் பட்டியலில் இருப்பதுண்டு.  இதுபோக, வீடு மாறிச் செல்பவர்கள், மாற்றலாகி வேறு ஊர் செல்பவர்கள், வெளியூர் மற்றும் அயல் நாடுகளில் பணிபுரிபவர்கள் பெயர்களும் வாக்காளர் பட்டியலில் இருக்கும். இப்படிப்பட்டவர்கள் சில விழுக்காடு..........

 இயற்கை ஒத்துழைக்காமல், சமயங்களில் அதிக வெயிலோ, அதிக மழையோ, அதிக குளிரோ, நெடுந்தொலைவு சென்று வாக்களிக்க வாகன வசதியில்லாமலோ, இப்படி ஒரு சில விழுக்காடு.......
இதுபோக வாக்களிக்கும் விவரங்கள் தெரியாதவர்கள், கடைகளைத் திறந்தேயாக வேண்டுமென இருக்கும் உழைப்பாளிகள், ஆட்டோ, லாரி ஓட்டுனர் போன்ற தின வரும்படிக்காரர்கள் என சில விழுக்காடு.........
எப்படிப் பார்த்தாலும் இப்படியாக பத்து விழுக்காடு வரை நிச்சயம் வாக்குகள் பதிவாக வாய்ப்பில்லை.    ஆக, சென்னை போன்ற பெரு நகரங்களில் 10 முதல் 15 விழுக்காடு வரை கண்டிப்பாக வாக்குகள் பதிவாகாது, ஆனால் மீதி அந்த 85 விழுக்காடு ?
ஆம், என்னதான் நகரமென்றாலும், இப்போது கட்டாய விடுமுறை காரணமாக மிச்சமிருக்கும் இந்த 85 விழுக்காடு வாக்குகள் பதிவாகியிருக்கலாம், சரி, வாக்களிக்க முடியாது என அகங்காரம் அல்லது அதீத விடுதலை வேட்கை கொண்ட அரசியல் வெறுப்பாளர்கள் ஓர் ஐந்து விழுக்காட்டினரை ஒதுக்கினால் கூட, 80 விழுக்காடாவாது பதிவாகியிருந்திருக்க வேண்டும், பதிவானதோ அறுபது விழுக்காடு. (தமிழ்நாடு சராசரி 73 விழுக்காடு)
இன்னும் கொஞ்சம் பரப்புரை அதிகமானால் வரும் சட்டமன்றத் தேர்தலில் இந்த 80 -90 விழுக்காடை நிச்சயம் நாம் எட்டி விடலாம்.  90 விழுக்காடு வாக்குப்பதிவு லட்சியம், 80 விழுக்காடு நிச்சயம்,  என இலக்கைச் சென்றடைய உழைப்போம், வாருங்கள் :)

                                = = நன்றி = =  

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

கடலோடி - நரசய்யா !!!

படம்
’கடலோடி’ வயதுக்கு வந்திருந்த வேளையில்தான் ’நரசய்யா’வை நான் ஜூ.வி. கட்டுரைகள் வாயிலாக முதன் முதலாக வாசிக்க நேர்ந்தது. அந்தக் கட்டுரைகளில் அவர், தான் வேலை செய்த பிரம்மாண்ட கப்பல்கள், கடலில் குட்டித் தீவுகளென அலையும் திமிங்கலங்கள், நெடிந்துயர்ந்த நீர்த்தூணாய் வானும் கடலும் கொள்ளும் கலவி.........இப்படி அவர் விவரிக்க விவரிக்க அப்படியே அந்தச் சாகஸங்களை கற்பனை செய்து, திளைத்துக் கிடந்திருக்கிறேன். பிறகு பல வருடங்கள் எனக்கும், ஜூவிக்குமான பிணைப்பு அறுபட, நரசய்யாவை அடியோடு மறந்தும் போயிருந்தேன்.   விகடன் கட்டுரைத் தொடரில், " நீங்கள் எழுத்தாளர்களென நம்புபவர்களெல்லோரையும் விட சிறந்தவர்கள் இவர்களென சாரு நிவேதிதா பட்டியலிட்டிருந்த எழுத்தாளர்களில்தான் மீண்டும் ’நரசய்யா’ என் கண்ணில் பட்டார். அதில் நரசய்யாவின் சிறந்த ஆக்கம் ’கடலோடி’ என்றும் சாரு பரிந்துரைத்திருந்தார்.   ஆனால் 2011 லிருந்து தேடி, இவ்வருடம்தான் புத்தக கண்காட்சியில் இந்த நூல் கிட்டியது. வாங்கி வழக்கம்போல் நரசய்யாவை புத்தகப் பைக்குள் சிறைவைத்து, ஜிப்பை இழுத்து மூடிவிட்டேன்.   தெரியாத்தனமாய் அலமாரிய...
மேலும் படிக்கவும்

மெக்சிகோ சலவைக்காரி ஜோக்

படம்
சுஜாதா, தான் உயிருடன் இருக்கும்வரை எல்லா நாவல்களிலும், கட்டுரைகளிலும் சொல்கிறேன், சொல்கிறேன்....என்று கடைசிவரையில்  பொதுவில் சொல்லாமல், விட்ட  அசைவ ஜோக்தான்  இந்த மெக்சிகோ சலவைக்காரி ஜோக் !   சரி இது எப்படி எனக்குத் தெரியும் என்றால், சுஜாதா மறைந்த பின், குமுதம் அரசு பதில்களில் (2008 / 2009 பதிப்புகள்) ஒரு வாசகரின் வேண்டுகோளுக்கிணங்கி வெளியானது.  என்னுடைய ஞாபகசக்தி உதவியில்தான் எழுதுகிறேன், ஆனால் இதை என் மானசீக ஆசான் சுஜாதா சொல்லியிருந்தால் இதை விட 100 மடங்கு அழகாய் இருந்திருக்கும், அடுத்த வாரம் சுஜாதாவின் நினைவு நாள், அதற்க்கு அஞ்சலியாய் இது அமையட்டும்  ! மெக்சிகோவில் ஓர் ஆற்றங்கரையோரம் இருந்த அந்த சலவைக்காரி மிக  அழகு,  அதிலும், எது மிக பிரமிப்பூட்டும் என்றால் அது அவளுடைய பின்னழகு !  அதற்க்கு மயங்காத ஆட்களே அந்த பகுதியில் இல்லை, அவளுடன் அருகே வசிக்கும் இளங்காளைகள் பலருக்கும் அவள் மீதும், முக்கியமாய் அவளின் 'அதன்' மீதும் உள்ளூர வெறி !  அனுபவிக்க வாய்ப்பு கிடைக்குமா என இலவு காத்த கிளியாய் காத்...
மேலும் படிக்கவும்

கெட்ட வார்த்தை பேசுவோம் !!!

படம்
கெட்ட வார்த்தை பேசுவோம் - பெருமாள்முருகன் ******************************************************************** ஒரு வருடமாய் அலமாரியில் தூசி படிந்து , புது புத்தகத்திற்குரிய வாசனையை கிட்டத்தட்ட இழந்திருந்த இந் நூலை , சமீபத்தில் சென்றிருந்த பிஸினெஸ் டூரில் , ரயில் பயணவேளைகளின் போது வாசித்தேன் . வாசிக்க ஆரம்பித்தவுடன் அசூயையின் காரணமாக முகம் சுளித்து அவதிப்பட்டேன் . அல்குல் , கொங்கை , சிதி , சுண்ணி என தொடர்ந்து பத்திக்கு பத்தி கவுச்சி .  அய்யய்யோ , இந்தப் புத்தகத்தைப் போய் திறந்தவெளியில் வைத்திருந்தோமே , வீட்டுப் பெண்மணிகள் எதேச்சையாய் வாசித்து நம்மைப் பற்றி என்ன நினைத்திருப்பார்களோ என்ற கிலி வேறு பற்றியது. பெருமாள்முருகனே ஆரம்பத்தில் , சொந்தப் பெயரை மறைத்து , புனைப் பெயரில்தான் இதைத் தொடராக எழுதினாராம் ! ஆனால் , இந்த நூலை முழுதாய் வாசித்ததும் , செக்ஸ் & ஆண் பெண் பாலியல் உறுப்புகள் பற்றி பேசும் போதோ , எழுதும் போதோ , வாசிக்கும் போதோ , நாம் போடும் போலி வேஷங்களையும் , நம் பண்டைய இலக்கியவாதிகளின் சுதந்திரத்தையும் ஒப்பிட்டபோது , இயல்பை , அவசியமான ஒன்றை , இப்படி மூடிப் பேசி மூடி...
மேலும் படிக்கவும்